أشعـل فتـيـل الـقـآآف وابـلـيس مـلـعوٍوٍن ّ~

بعد انقطاعي عن المنتدى فتره بسبب ظروف عائليه عدت اليكم
بهذه القصيده ..

اشعل فتيل القاف وابليس ملعون
في ساحةٍ من حرب جيشه تعاني

احيان احس اني من الخلف مطعون
واحيان احس ان السهـم مارمانـي

ياليـت عـذال المخاليـق يـدرون
إن الوفاء طبعـي وموطـن كيانـي

والله لو يدرون بـي مـا يعـودون
لمعانـدي مهمـا تكـون الأمانـي

حطمت بسيوف الوفاء هام فرعـون
وارسيت ببحـور المـوده موانـي

وابدعت بالفكـره وسنيـت قانـون
لحروف شعري قبل يظهـر بيانـي

اما يجي شعـري منقـح ومـوزون
وإلا يمـوت ولا يقولـه السـانـي

ياعاذلـي قـل للعواذيـل بالـهـون
بالهـون يالعـذال قاصـي ودانـي

ماني من اللي عادته يقبـل الـدون
ولا يرتضي بالدون غيـر الهدانـي

شفني اهناك إن كان لك راس وعيون
متربعـاً بايمـن سهيـل اليمـانـي

عن واطي الهفوات معناي مضمـون
وعن الردا حطيـت سبـع المثانـي

ياعاذلـي مهمـا تقـول ويقولـون
كـل العـواذل قولهـم مارمـانـي