..× أمـيـره ×..

موضوع: ..× أمـيـره ×.. الإثنين يونيو 09, 2008 9:48 pm

كـآتبهـآ // فـآيز ابن حمود القباني

على طاري المشاعـر يا(أميـرة)
وش اللي صار ب(المهجر واميره)
يقولـون انّ دنيـاه اسـتـدارت
عسى فيهـا مـن الأيـام خيـرة

حلـف مايبعـد الا عـن منامـه
وجفوه الناس وعيـون ٍ غريـرة
عطى من (كل كلـه) (كـل كلـه)
ينادي ب(العشا) وقـت الظهيـرة

وانا اللـي لاطلبتـه مـن جنانـه
أشـوفـه مايـمـد الا سعـيـره
سلامـي يانصـيـب ٍ مايثـنّـي
على هالحال مبطي يـا (أميـرة)

اجيبه .. وانتخي به .. كـود والا
يعانـق (مهـرة ٍ) ماتستثـيـره
ولكنـه درى بــان المشـاعـر
لها صولات في (غمزة سميـرة)

(أميرة) .. لالقيتي نصف روحـي
عشيـر ٍ مايـروم الا عشـيـره
ترى له في خفوقـي ألـف ونـة
اداريها .. أبـي منـه الستيـرة

أحبه .. أي أحبـه ؟!! والله انـي
من اشواقي أحـس بنـار غيـرة
أغار من المشاعر فـي غرامـه
واغار من الغنج فـي زمهريـره

واغار من الشفايف فـي بعضهـا
واغار من الغـلا لاجـاب سيـرة
واغار من البنان اللـي يلامـس
زهوره .. أو ثماره .. أو حريره

قسم باللـي فطـر حبـه بقلبـي
إلين اصبحت بالصدفـة كسيـره
بأني من عنـاده عفـت نفسـي
واخاف انه يعانـد بـه مصيـره

وانـا ماعـاد فيـنـي لليـالـي
جهد واعصاب قلـب ٍ مستخيـرة
فاذا المهجر واميـره جـددوا لـه
وحكم ف(أملاك فايـز) أيّ ديـرة

طلبتك شققـي (أغلـى رسالـة)
وقولي / مات اميـرك (ياأميـرة)

^_^ وسـلآمتكمـ ^_^

(غمزة سميرة) / غمزة سميرة توفيق اللي يقولون انها كانت تهول العقل وكانوا الشيبان يتسدحون لاشافوها

آ’للهـ يسسسسسسلمكـ

ثـــــآآنكيـوو

كلمـــــــــآت حلووهـ

ربي لايحرمنـــــــآآ منكـ

يعطيتس ربي العافيه ويقويتس

يسلمتس ربي ع المرور الرائع

والله لا يحرمنا من ردودتس

لاهنتي